Arrestohen 53 shoferë, mbi 2700 gjoba nga policia në 1 javë

53 drejtues mjetesh janë arrestuar nga policia javën që shkoi për kryerjen e shkeljeve të ndryshme të qarkullimit rrugor.

Përmes një njoftimi policia sqaron se janë ndëshkuar me gjoba për përdorim celulari, mosvendosje të rripit të sigurimit dhe shkelje të rënda të kodit rrugor 2712 drejtues mjetesh.

Gjatë kontrolleve të policisë rrugore janë pezulluar 69 leje drejtimi, për drejtim mjeti nën efektin e alkoolit apo në gjendje të dehur, si dhe për shpejtësi tej normave të lejuara.

“Gjatë fundjavës, si rezultat i kontrolleve të dedikuara, u evidentuan dhe u goditën edhe 3 raste të drejtimit të automjetit, nën efektin e lëndëve narkotike, duke e çuar kështu në 24 numrin e drejtuesve të mjeteve që kanë rezultuar nën efektin e drogave, pas testimit me aparatin AquilaScan”, njofton policia.

LEXONI GJITHASHTU:

• I zhdukur që në nëntor, policia zbulon identitetin e trupit të pajetë në Ersekë
• Atentati në Tiranë, policia shton kontrollet