Platforma në Instagram, eksperti Progni tregon sesi t’i kontrollojmë fëmijët

Eksperti IT, Genti Progni tregoi detaje në emisionin “Mirëmëngjes” në Euronews për platformën e re të Instagram, ku prindërit mund të kontrollojnë fëmijët e tyre.

“Tani është konceptuar si një llogari menaxhuese. Prindi ka disa llogari të vogla të menaxhimi të fëmijëve të tij. Prindi cakton sesa orë duhet të qëndrojë fëmija në Instagram dhe çfarë duhet të komentojë apo bëjë like. Prindi ka shumë akses se fëmija, madje mund të heqë edhe ndjekësit”, shpjegoi Progni.

Eksperti nënvizoi më tej se kjo është një zgjidhje e mirë për të kontrolluar fëmijët.

“Është një nga zgjidhjet më të mira, por fillimisht është hapur në Britani të Madhe, por mund të hasë probleme rrugës dhe mund të dështojë. Në Shqipëri mund të jetë minimumi për 6 muaj”, tha ai.

Në vitin 2021, Instagram ndërpreu planet për të krijuar një platformë Instagram për fëmijët nën moshën 13 vjeç, pas një reagimi të ashpër.

Gjithashtu vitin e kaluar, Wall Street Journal raportoi se Meta – që zotëron Facebook dhe WhatsApp si dhe Instagram – kishte kryer disa kërkime që zbuluan se adoleshentët fajësuan Instagramin për rritjen e ndjenjave të ankthit dhe depresionit – dhe më pas e mbajtën të fshehtë studimin.

LEXONI GJITHASHTU:

• Platforma e re në Instagram, prindërit mund të kontrollojnë fëmijët