OBSH: Europa, epiqendra e shpërthimit të lisë së majmunit

Zyra rajonale europiane e Organizatës Botërore të Shëndetësisë (OBSH) deklaroi se Europa mbetet në epiqendrën e shpërthimit global të lisë së majmunëve.

Sipas OBSH-së, 25 vende kanë raportuar më shumë se 1,500 raste të cilat përbëjnë 85% të totalit në të gjithë botën, shkruan Euronews.

“Përmasat e këtij shpërthimi përbëjnë një rrezik real, sa më gjatë të qarkullojë virusi, aq më shumë do të zgjerojë shtrirjen e tij dhe aq më e fortë do të bëhet baza e sëmundjes në vendet jo-endemike,” tha drejtori rajonal për Europën, Hans Kluge.

Në takimin e ministrave të Shëndetësisë të martën, Komisioni Europian deklaroi se është koha për vaksinim dhe do ta bëjë këtë në mënyrë të përbashkët.

Rreth 110 mijë doza do të jenë në dispozicion të qeverive që duan të vaksinojnë kategoritë më të rrezikuara nga infektimi, ose ata persona që janë infektuar tashmë.

LEXONI GJITHASHTU

• BE-ja blen vaksinat për linë e majmunit
• Mbi 700 raste të lisë së majmunëve në 27 vende, sipas OBSH-së