Braçe kritika qeverisë për fermerët, duartrokitet nga opozita

Me tone të forta në Kuvend, deputeti socialist Erion Braçe ka kërkuar nga qeveria më shumë vëmendje për fermerët.

Ish-zëvendëskryeministri tha se kriza e çmimeve tregon se ekonomia e vendit nuk mund të mbahet vetëm me taksa dhe se qeveria duhet të reflektojë që fermerët të mos braktisin vendin.

Braçe tha në Kuvend se qeveria po ndihmon tregtarët që importojnë miellin nga Serbia, por fermerët vendas po dalin me humbje.

Si rrallë herë fjalimi i deputetit socialist u shoqërua me duartrokitje edhe të deputetëve të opozitës.

“Bujqësia nuk është çështje politike, është çështje e sigurisë kombëtare”, u shpreh Braçe.

Ai u shpreh se do të votonte projektligjin e propozuar nga deputeti i opozitës, Agron Duka sipas te cilit skema për rimbursimin e fermerëve duhet te ndryshoje.

Koha e dhënies së granteve të jetë jo 1 vjeçare, por 5 vjeçare.

LEXONI GJITHASHTU:

• Karkaleci pushton Myzeqenë, autoritetet: Fermerët të veprojnë vetë