Poli Hoxha për urdhrin e SPAK ndaj gazetarëve: Hetim kush nxjerr informacionet

SPAK duhet të nisë hetim për rrjedhjen e dokumenteve dhe informacioneve në lidhje me çështjen e Nuredin Dumanit.

Kështu u shpreh në emisionin “Sot”, gazetari Poli Hoxha.

“Ata duhet të thoshin se po kryhet një hetim për daljen e këtyre dokumenteve”, tha ai.

Hoxha tha se rrjedhja e informacioneve të SPAK-ut ka kohë që ka filluar, dhe se nuk është vetëm në rastin e Dumanit.

“Detyra e SPAK-ut është të ruajë hetimin dhe garancinë e hetimit, pasi me rrjedhjen e informacioneve prishen hetimet dhe provat”, theksoi Hoxha.

SPAK-u ka nxjerrë një urdhër së fundmi drejtuar mediave për ruajtjen e sekretit, “ndalimin e publikimit të akteve dhe përmbajtjes së tyre”.

LEXONI GJITHASHTU

• SPAK: Nuredin Dumani s’ka thënë asgjë për presidentin Meta
• Dumani, mes 24 personave që SPAK kërkon t’i pyesë për vrasjen e dyfishtë