Pronari i shtëpisë së armëve e zbuluar në Tiranë mohon akuzat: Punoj berber

Ervis Bakalli, dhe Dorian Kalo kanë dalë këtë të shtunë përpara gjykatës për t’u njohur me masën e sigurisë, pasi në banesën e Bakallit u zbulua një depo e modifikimit të armëve.

Përpara togave të zeza të kryeqytetit Dorian Kalo ka mohuar se ka lidhje ne armët e gjetura dy ditë më parë në një banesë në zonën e Yzberishtit.

Nëpërmjet avokatit të tij mbrojtës Kalo është shprehur se ai bënte piktura murale kur gjente punë, ndërkohë që paradite punonte si berber.

Ndërkohë prokuroria në kërkesën e saj për masën e sigurisë thotë se fillimisht policia ka shkuar në banesën ku u gjendën armët pasi ishte sinjalizuar se një nga ambientet e saj ishte përshtatur për shtëpi bari, por nga kontrolli u zbulua edhe depoja që ishte përshtatur për modifikimin e armëve.

Pas dëgjimit të palëve, gjykata është tërhequr për të vendosur nëse do pranojë apo jo kërkesën e gjykatës e cila ka kërkuar arrest me burg për dy të arrestuarit.

LEXONI GJITHASHTU:

• Arrestohet 17-vjeçari në Mamurras, iu gjetën armë dhe municione në banesë