Votohet sot mocioni i mosbesimit në Bullgari, protesta para parlamentit

Koalicioni centrist i Bullgarisë është në prag të kolapsit pasi  këtë të mërkurë përballet me një votë mosbesimi.

Ligjvënësit debatuan për mocionin në Asamblenë Kombëtare të vendit.

Kryeministri Kiril Petkov formoi koalicionin katërpalësh dhjetorin e kaluar me partinë e tij “Ne Vazhdojmë Ndryshimin” dhe u zotua se do të pastrojë korrupsionin.

Të martën në mbrëmje, rreth një mijë protestues pro-qeveritar u mblodhën pranë ndërtesës së parlamentit në Sofje, për të shprehur shqetësimin e tyre. Ata brohorisnin së bashku do t’ia dalim.

Petkov, i cili është një udhëheqës i arsimuar në Harvard dhe një politikan pro Bashkimit Evropian, u ka kërkuar ligjvënësve që të mbajnë parasysh interesat e qytetarëve  ku të  votojnë për mocionin.

Mocioni i mosbesimit u paraqit javën e kaluar nga partia e qendrës së djathtë, GERB, e ish-kryeministrit Bojko Borisov, i cili sundoi Bullgarinë për rreth një dekadë deri në vitin 2021. Ai u bazua në argumentet duke përmendur “dështimet” në financat publike dhe politikën ekonomike përballë rritjes së inflacionit.

Nëse qeveria humbet mocionin sot, kjo mund të shkaktojë zgjedhjet e katërta në Bullgari që nga prilli 2021 kur u zhvilluan zgjedhjet e fundit.

LEXONI GJITHASHTU

• Rama: Negociatat për Shqipërinë nuk do të hapen dhe është faji i Bullgarisë
• Qeveri e pakicës në Bullgari, tërhiqet nga koalicioni partia populiste