Berisha për protestën: Shqiptarët në rrezik, Rama do largohet

Kryetari i Partisë Demokratike, Sali Berisha u shpreh se qytetarët shqiptarë janë në rrezik për shëndetin, vendin e punës si dhe të ardhurat e tyre, ndaj beson se më 7 korrik, Tirana do të jetë e mbushur me protestues kundër qeverisë.

Në një deklaratë për mediat jashtë ambieteve të Kuvendit, Berisha bëri me dije se protesta do të zhvillohet në orën 19:00 dhe se është e hapur për çdo shqiptar.

Berisha tha se kryeministri Edi Rama nuk është larguar më parë nga protestat, por paralajmëroi se do të largohet.

“Qytetarët shqiptarë, duke filluar nga interesi i tyre kombëtar, tek shëndeti, vendi i punës, xhepat e tyre, ndjejnë se janë në rrezik të madh. Ndjejnë një thirrije të brendshme se duhet me çdo kusht t’i dalin zot vetes dhe të marrin në dorë fatet e vendit.

Protesta është e hapur për të gjithë shqiptarët dhe është më datë 7 korrik, në orën 19:00. Tirana do derdhet e tëra. Do protestohet ndaj qeverisë dhe parlamentit. Me vendosjen e monizmit dhe zhdukjen e “check and balance”, kushtetutshmëria e kësaj qeverie ka rënë në mënyrë përfundimtare. Rama nuk është larguar, por do të largohet”, theksoi kryedemokrati.

LEXONI GJITHASHTU

• Berisha paralajmëron protestë kombëtare më 7 korrik
• Paralajmërimi për bojkotin e Samitit, Berisha: Rama bën çfarë i thotë Vuçiç
• Zgjedhjet lokale, Berisha: Në vjeshtë fillojnë primaret për kandidatët e PD