Fotografët e natyrës dokumentojnë shpendët e rrallë në Shkodër

Fotografë të botës së egër nga Shqipëria, si dhe nga vende të ndryshëm të botës u bënë bashkë për të dokumentuar botën e egër në liqenin e Shkodrës. Përmes objektivit profesional, ata fiksuan me dhjeta shpendë e kafshë që gjallojnë në këtë liqen. Jetmiri tregon se këta aktivitete janë shumë të rëndësishme pasi njohin dhe të huajt me larminë e biodiversitetit në liqenin e Shkodrës.

Për Granitin nga Kosova është hera tretë në liqenin e Shkodrës. E rëndësishme për të është ruajtja e kësaj bote të egër. Edhe për fotografët që kanë udhëtuar nga jashtë Shqipërisë, kjo eksperiencë ishte e jashtëzakonshme dhe premtojnë se sërish do të kthehen në Shkodër.

“Është hera e parë në Shkodër dhe në liqenin e Shkodrës. Është shumë interesante ndonëse nuk është pjesa më e mirë e vitit për të bërë fotografi. Pamë disa shpend, patjetër pelikanin. Ambienti i është i bukur dhe është një eksperiencë e bukur. Ambienti nga sa kemi shëtitur është mjaft i pastër krahasuar me vendet e tjera të Ballkanit”, u shpreh Viljam Vagefon nga Maqedonia e Veriut.

“Nuk është hera e parë në Shkodër . Më pëlqen qyteti më pëlqen liqeni dhe më e rëndësishme është që jemi mbledhur njerëz që pëlqejmë fotografinë”, u shpreh Lorenco Bareli nga Zvicra.

Edhe këtë vit ajo që binte në sy në liqen ishin papastërtia e shkaktuar nga shkarkimi i kolektorit të ujërave të zeza në liqen. Aktori i mirënjohur Florjan Binaj është kthyer në Shkodër tashmë si i apasionuar pas fotografisë .

LEXONI GJITHASHTU:

• Artistët shkodranë performojnë në shtëpinë e të moshuarve