Sofja dëbon 70 diplomatë rusë, Petkov: Punonin kundër interesave të Bullgarisë

Pa dhënë shumë detaje, kryeministri në ikje i Bullgarisë, Kiril Petkov njoftoi se po dëbonte nga vendi 70 diplomatë të akredituar në ambasadën ruse në Sofje.

“Ua bëj të qartë të gjitha vendeve, jo vetëm Rusisë por kujtdo që punon kundër interesave të Bullgarisë, Bullgaria ka shërbime që punojnë për interesat e saj”, tha Kiril Petkov, kryeministër i Bullgarisë.

Petkov nënvizoi se nuk mund të thoshte shumë për shkak të informacionit të klasifikuar, por saktësoi se për shumicën e të dëbuarve, statusi diplomatik ishte vetëm një mbulim.

“Ne presim që avioni me 70 diplomatët të kthehet në Moskë të dielën”, u shpreh Petkov.

Ndërsa presidenti bullgar Rumen Radev nuk doli me një qëndrim zyrtar.

“Shpresoj që kryeministri të ketë dalë me këtë qëndrim në bazë të informacioneve solide dhe të besueshme, si dhe të ketë marrë parasysh pasojat”, theksoi Rumen Radev, president i Bullgarisë.

Të 70 diplomatët rusë duhet të largohen nga Bullgaria brenda 3 korrikut.

LEXONI GJITHASHTU:

• ‘Do hakmerremi’, Rusia përplaset me Norvegjinë për mallrat
• Britania e Madhe sanksionon njeriun e dytë më të pasur të Rusisë