3 viktima në Britani, sulm me armë të ftohta në qytetin e Ridingut, pranga agresorit

Persona të shumtë u sulmuan në një agresion me armë të ftohtë në qytetin anglez të Ridingut, ku si pasojë tre persona humbën jetën.

Përveç viktimave, dy persona të tjerë janë në gjendje kritike në spital, citojnë mediat angleze autoritetet, sipas të cilave policia po e trajton sulmin si një episod që nuk ka lidhje me terrorizmin.

Autoritetet bënë gjithashtu të ditur se policia ka arrestuar një person në vendin e ngjarjes dhe se personat e plagosur ishin dërguar gjithashtu në spital.

Autori, sipas burimeve zyrtare, është një person me origjinë libaneze. Ai e kreu sulmin në një zonë ku ishin mbledhur manifestues të lëvizjes Jetët me Ngjyrë Kanë Rëndësi.

Në vendin e ngjarjes shkuan grupe mjekësore që ndihmuan të plagosurit. Ministrja e Brendshme britanike, Priti Patel deklaroi se ishte shumë e shqetësuar për ngjarjen.

My full statement on the incident in Reading, following the latest update from @ThamesVP https://t.co/K9xMHnkZSt pic.twitter.com/y4olaEgMfr

— Priti Patel (@pritipatel) June 21, 2020

Ndërsa kreu i këshillit bashkiak të Ridingut, Jason Brock tha se policia po merret me një “incident serioz” dhe u bëri thirrje qytetarëve që të shmangin grumbullimet në qendër të qytetit.