Dy viktima nga COVID, mbetet i lartë numri i të infektuarve

Ministria e Shëndetësisë ka publikuar të dhënat e 24 orëve të fundit, në lidhje me situatën epidemiologjike të Covid në Shqipëri.

Dy persona kanë humbur jetën për shkak të infektimit me COVID. Një 71-vjeçar nga Gjirokastra dhe një 75-vjeçare nga Tirana nuk arritën ta fitonin betejën me sëmundjen.

Ndërsa, numri i të infektuarve mbetet i lartë. Nga 2,100 testime të kryera kanë rezultuar pozitivë 974 qytetarë.

Aktualisht, në të gjithë vendin janë 5,332 qytetarë aktiv me Covid. Në spitalin COVID3 po marrin trajtim 29 pacientë.

416 qytetarë janë shëruar në 24 orët e fundit, duke e çuar numrin e të shëruarve në 276,889 që nga fillimi i epidemisë.

Statistika (7 Korrik 2022)

Raste të reja ditore 973

Të shëruar në 24 orë 416

Të shtruar në spitale 29

Humbje jete në 24 orë 2

Testime ditore 2100

Testime totale 1,860,959

Raste pozitive 285,731

Raste të shëruara 276,889

Raste Aktive 5,332

Humbje jete 3,510

Komiteti Teknik i Ekspertëve ka rekomanduar mbajtjen e maskës në ambientet e mbyllura, për shkak të rritjes së rasteve me COVID kohët e fundit.

Në mbledhjen e zhvilluar këtë të mërkurë, kryetarja e këtij Komiteti dhe zëvendës ministrja e Shëndetësisë, Mira Rakacolli bëri apel edhe për vaksinim.

LEXONI GJITHASHTU

• Komiteti Teknik rekomandon mbajtjen e maskave në ambientet e mbyllura