‘Gati për anëtarësim në BE’, Kovaçevski pas takimit me Ramën dhe Vuçiç

“Bashkëpunimi ynë përmes Ballkanit të Hapur është konkret, për një rajon të fortë ekonomik të gatshëm për anëtarësim në BE”.

Kështu deklaron kreu i qeverisë maqesonase, Dimitar Kovaçevski, pas takimit online me Edi Ramën dhe Aleksandër Vuçiç në sajë të nismës “Ballkani i Hapur”.

“Përmes grupeve të përziera ndër-burimore do të tejkalojmë së bashku vështirësitë e furnizimit me ushqim dhe energji dhe zjarret e mundshme në të tre vendet këtë verë”, shkruan ai në një postim në Facebook.

Kreu i qeverisë maqedonase tregon se me presidentin serb dhe kryeministrin shqiptar biseduan edhe për krijimin e një agjencie të përbashkët për tërheqjen e investimeve të huaja në Ballkanin e Hapur.

LEXONI GJITHASHTU:

• ‘E ardhmja në BE’, Rama, Vuçiç dhe Kovaçevski takim për Ballkanin Hapur