Ekstradohet nga Dubai grupi kriminal të kërkuar për narkotikë, pastrim parash dhe mashtrim kompjuterik

5 Qershor 2026 | 21:43

Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe drejt Shqipërisë, në kuadër të bashkëpunimit mes autoriteteve ligjzbatuese të të dy vendeve.

Sipas njoftimit të Policisë së Shtetit, të ekstraduarit akuzohen për veprimtari kriminale në fushën e narkotikëve, pastrimit të produkteve të veprimtarisë kriminale dhe mashtrimit kompjuterik, të kryera në kuadër të grupeve të strukturuara kriminale.

Mes personave të ekstraduar janë katër shtetas të akuzuar për trafik narkotikësh dhe pastrim parash, si dhe një shtetas i akuzuar për pastrim të produkteve të veprimtarisë kriminale. Gjithashtu, është ekstraduar edhe një 34-vjeçar i akuzuar për mashtrim kompjuterik në kuadër të grupit të strukturuar kriminal, si dhe I. L., 30 vjeç, i akuzuar për pastrim të produkteve të veprimtarisë kriminale, kryer në kuadër të grupit të strukturuar kriminal;

Më konkretisht për 4 të ekstraduarit e tjerë bëhet fjalë për:

  • K. Q., alias J. H., alias J. Q., 44 vjeç;
  • Sh. K., 44 vjeç;
  • A. P., alias Sh. P., 38 vjeç;
  • D. P., alias E. S., alias D. B., alias F. P., 39 vjeç;

Operacioni u realizua falë bashkëpunimit ndërmjet Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe autoriteteve të Emirateve të Bashkuara Arabe.

Home Kryefaqja
Shiko në: YouTube
Lajme të Sugjeruara

Protestat, Avokati i Popullit: Detyra ime është të evidentoj rastet kur qytetarëve u cenohet e drejta e tyre

Avokati i Popullit, Endri Shabani, ka qenë prezent këtë të premte në Vlorë për të prezantuar Raportin Vjetor të Avokatit të Popullit për vitin 2025....
12:12 | 10/07/2026

Lamallari: Zjarrvënia është krim, dënohet deri në 15 vite burg

Ministri i Punëve të Brendshme, Besfort Lamallari, u ka bërë thirrje qytetarëve të tregojnë kujdes maksimal për parandalimin e zjarreve, duke theksuar se zjarrvënia nuk...
11:41 | 10/07/2026

Sekuestrohen 53 mijë m2 tokë, Prokuroria jep detaje nga hetimi për tjetërsimin e pronave në Durrës

Prokuroria e Durrësit ka dhënë detaje nga hetimi i ndërmarrë lidhur me falsifikimin dhe tjetërsimin e pronat në ASHK Durrës. Me kërkesë të Prokurorisë Durrës...
11:34 | 10/07/2026