Besimtarët myslimanë në Korçë festojnë Kurban Bajramin, falja para xhamisë

Dhjetra besimtarë në qytetin e Korçës festuan mëngjesin e kësaj të shtune Kurban Bajramin.

Ceremonia ka nisur rreth ores 06:00 të mëngjesit, ku besimtarë të shumtë janë mbledhur së bashku për të kryer faljen në sheshin e xhamise.

Besimtarët pasi kanë kryer faljen kanë uruar simbolikisht njeri-tjetrin për paqe dhe dashuri.

Sipas traditës islame kjo festë nderon gatishmërinë e Ibrahimit të flijojë djalin e tij, Ismailin, si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

Emërtimi “Kurban Bajrami” në gjuhën shqipe është huazim nga turqishtja – Kurban Bayramë, që do të thotë “Festa e Flijimit”.