Ambasada e SHBA-së uron besimtarët për festën e Kurban Bajramit

Ambasada e Shteteve të Bashkuara të Amerikës ka uruar besimtarët myslimanë shqiptarë për festën e Kurban Bajramit.

Nëpërmjet një postimi në Facebook, ambasada iu shpreh urimet më të mira të gjithë besimtarëve që festojnë Kuban Bajramin.

“Në emër të Ambasadës së Shteteve të Bashkuara, iu shprehim urimet më të mira të gjithë atyre që festojnë Kurban Bajramin. Kjo ditë ofron një mundësi për të reflektuar mbi angazhimin tonë të përbashkët për ndërtimin e komuniteteve paqësore dhe të begata. Eid Mubarak”, shkruhet në një postim në Facebook në faqen zyrtare të Ambasadës.

Festa e Kurban Bajarmit

Festa e Kurban Bajramit është një nga dy ditët më të rëndësishme në kalendarin e besimtarëve muslimanë bashkë me  Fiter Bajramin. Kjo e fundit, sipas traditës islame, nderon gatishmërinë e Ibrahimit të flijojë djalin e tij, Ismailin, si vepër e nënshtrimit ndaj urdhrit të Zotit, para se Zoti të ndërhyjë, përmes engjëllit të tij Xhebrailit dhe të njoftojë Ibrahimin se flijimi i tij është pranuar tashmë.

LEXONI GJITHASHTU:

• “S’ka sprovë që nuk kalohet me besim tek Zoti”, Basha uron besimtarët myslimanë
• Osmani: Festat si Bajrami mbajnë gjallë shpresën dhe shpirtin solidar