Rusia vë veton ndaj zgjatjes së ndihmës së OKB-së për Sirinë

Një ditë më parë,  Rusia vuri veton ndaj një përpjekjeje të Këshillit të Sigurimit të OKB-së për të zgjatur për 12 muaj dhënien e ndihmës së OKB-së për rreth 4 milionë njerëz në Sirinë veriperëndimore.

Rezoluta e hartuar nga Irlanda dhe Norvegjia u mbështet nga 13 vende, ndërsa Kina abstenoi.

“Kjo është një çështje e jetës dhe vdekjes. Tragjike, njerëzit do të vdesin për shkak të këtij votimi dhe vendit që paturpësisht vuri veton ndaj saj”, tha ambasadorja amerikane në Kombet e Bashkuara, Linda Thomas-Greenfield.

Në vitin 2014, Këshilli i Sigurimit miratoi dërgimin e ndihmave humanitare, në zonat e Sirisë të kontrolluara prej opozitës, nga Iraku, Jordania dhe nga dy vende në Turqi. Por, përdorimi i vetos nga Rusia dhe Kina e reduktoi atë në vetëm një vendkalim kufitar turk.

Sekretari i Përgjithshëm i OKB-së, Antonio Guterres i bëri thirrje Këshillit muajin e kaluar për të zgjatur miratimin për dërgimin e ndihmës nga Turqia në Sirinë veriperëndimore.

LEXONI GJITHASHTU:

• Vrau ish-kryeministrin japonez, autori rrëfehet përpara hetuesve të policisë
• Kreu i FBI ngre alarmin për rrezikun nga spiunazhi kinez