Shtohen tensionet Athinë-Ankara, shkak ishujt në Egje dhe Kreta

Marrëdhëniet mes Greqisë dhe Turqisë janë tensionuar sërish, për shkak të publikimit të një harte ku tregohen ishujt e Detit Egje dhe Kreta si pjesë e shtetit turk.

Devlet Bahçeli, një aleat i presidentit turk Erdogan, njëherësh edhe kreu i Partisë së djathtë të Veprimit Nacionalist (MIR), ka vizituar selinë e organizatës nacionaliste “Ujqërit gri” ku ka zhvilluar një takim me liderin e saj.

Në fund të takimit, lideri i “Ujqërve Gri” Ahmet Jigit Yildirim, i ka dhuruar Bahçelit një hartë në kornizë ku tregohen ishujt e Detit Egje dhe Kreta si pjesë e Turqisë.

Yildirim e shpërndau foton në Twitter me mbishkrimin “Betimi i popullit tonë për detet”, shkruan Euronews Serbia.

1-Liderimiz Sn. Devlet Bahçeli Beyefendi Bayram sabahında Ülkü Ocakları Genel Merkezimize teşrif ederek ziyarette bulundu.
Ziyaretlerinde “DENİZLERDEKİ MİSAKIMİLLÎMİZ” adlı çalışmamızı sunduk.#ÜlküOcaklarıHaritası pic.twitter.com/CZzo5VaVP2

— Ahmet Yiğit Yıldırım (@ayyildirim1) July 10, 2022

Ndërsa, kryeministri grek Kyriakos Mitsotakis i bëri thirrje Turqisë që të shpjegojë hartën e publikuar në rrjetet sociale.

“Shikoni mirë këtë hartë. Kreta, Rodosi, Lesbosi, Kios, Samos. Të gjitha janë “gëlltitur” nga Turqia. Ky është vetëm një provokim tjetër apo qëllimi i vërtetë? Presidenti Erdogan duhet të sqarojë qëndrimin e tij për mashtrimet e fundit të aleatit të tij në qeveri”, shkroi Mitsotakis.

Ndërsa të dy vendet janë aleatë të NATO-s, ata janë përfshirë prej kohësh në mosmarrëveshje mbi migrimin, kufijtë detarë dhe kërkimin e mineraleve në Mesdheun lindor.

Greqia dhe Turqia akuzojnë ushtrinë e njëra-tjetrës për shkelje të hapësirës ajrore.

LEXONI GJITHASHTU

• Shtohen tensionet Greqi-Turqi mbi statusin e ishujve në detin Egje
• Turqia dhe Greqia ‘luftë fjalësh’ për ishujt në Detin Egje