Rinis punë transporti ndërqytetas, urbanët refuzuan urdhrin e ministrisë

Pas deklaratës së ministres së Shëndetësisë, Ogerta Manastirliu, rinisja e transportit publik është ende në pikëpyetje.

Disa linja kanë lajmëruar fillimin e aktivitetit, ndërsa shoqata më e madhe e Transportit Ndërqytetas dhe Rrethqytetas, e cila përfaqëson rreth 80% të linjave, ka mohuar këtë fakt.

Shkak për refuzimin e hapjes së këtij aktiviteti janë shpenzimet që sjell distancimi në autobus, i cili rrjedhimisht përgjysmon kapacitetin si dhe kostot për dezinfektimin e automjeteve nga vetë shoqëritë e transportit.

Nga ana tjetër, linjat e Gjirokastrës, Vlorës, Fierit, Shkodrës, Korçës, Durrësit, Dibrës kanë njoftuar rifillimin normal të qarkullimit nga dita e sotme.

Edhe pse komiteti teknik i eksperteve vendosi heqjen e kufizimit për transportin publik, përfaqësues të linjave ndërqytetase janë të gatshëm të nisin këtë shërbim, por protestojnë duke kërkuar mbështetje financiare.