1 në 3 fëmijë me COVID, rriten ndjeshëm rastet pozitive në Korçë

60-80 raste, çdo ditë paraqiten për vizitë pranë pediatrisë të spitalit rajonal Korçë, ku një në 3 fëmijë rezulton pozitiv me COVID-19.

Në krahasim me një muaj më parë, vizitat janë 10-fishuar.

“3 javët e fundit në shërbimin e pediatrisë është vënë re një fluks i shtimit të vizitave. Sekonda 47 numri i vizitave mesatare ditore që paraqiten është 50-60 vizita mesatarisht ku në ditë të caktuara rritet dhe shkon deri në 80 vizita në ditë,” – u shpreh Robert Rado, shefi i repartit të pediatrisë në Korçë.

Në bazë të testimit me tampon të shpejtë 1 në 3 fëmijë rezulton pozitiv me COVID-19.

“Ajo që duhet të përmendet është se midis rasteve të cilave paraqiten kemi vënë re shtimin e rasteve me Corona virus. 1:03 nga eksperienca jonë e 3 javëve kemi vënë re nga testet e shpejta që në 100 teste që kemi aplikuar 1 në 3 fëmijë ka rezultuar pozitiv. Mbi 31 fëmijë kanë rezultuar pozitiv me Corona virus,” – shtoi Rado.

Shefi i repartit të pediatrisë këshillon nënat e reja se kur duhet të paraqiten pranë mjekut.

“Është temperatura. Varion nga 38.5 deri në 40 grade. E dyta ku lloj virusi ka prekur të të gjithë grupmoshat por me se shumti fëmijët nga 1 muaj deri në 3 muaj. 2:18 simptoma të thjeshtë, rrjedhe hundës, fyt, kollë, dhimbje muskulore, dobësi trupore dhe vjelle apo dhe diarre. Këto simptoma ose vihen re nga mjeku apo raportohen nga fëmijët dhe prindëri,” – sqaroi mjeku.

Raste të shtuara me COVID-19 ka pasur edhe tek të rritur, të cilët paraqiten pranë njësisë vendore të kujdesit shëndetësor por edhe urgjencës së spitalit të Korçës. Në dy ditët e fundit, mbi 2700 persona kanë rezultuar pozitiv me COVID në të gjithë vendin.