Akuzat ndaj Thaçit për krime lufte, Meta: Besojmë në pafajësinë e luftëtarëve të UÇK-së

Presidenti i Republikës së Shqipërisë, Ilir Meta ka reaguar ndaj akuzave të ngritura nga Gjykata Speciale ndaj Presidentit të Kosovës, Hashim Thaçi, duke u shprehur i bindur në pafajësinë e tij. Meta rikujton se dhe në të kaluarën ka ndodhur një gjë e tillë me ish-drejtues të Ushtrisë Çlirimtare të Kosovës, ndaj nënvizon se Thaçi dhe Veseli në përfundim të hetimeve do të shpallen të pafajshëm.

“Lufta e UÇK-së, që iu imponua popullit të Kosovës nga shtypja dhe gjenocidi i regjimit kriminal të Millosheviçit, rezultoi se ishte e drejtë dhe vendimtare, jo vetëm për lirinë dhe themelimin e Republikës së Kosovës në kufijtë e njohur ndërkombëtarisht, por edhe për paqen, stabilitetin dhe ardhmërinë e saj evropiane dhe të rajonit tonë”, shprehet Presidenti i Shqipërisë.

Ne besojmë në pafajësinë e @HashimThaciRKS, @KadriVeseliKS dhe të gjithë bashkëluftëtarëve të tyre. Edhe më parë janë ngritur akuza ndaj ish-drejtuesve të UÇK, por pafajësia e tyre dhe drejtësia e luftës është konfirmuar.
Ne besojmë se kjo do të ndodhë përsëri. ??❤️?? pic.twitter.com/zhjfVI5brc

— Ilir Meta (@ilirmetazyrtar) June 24, 2020

Ndaj Hashim Thaçit dhe 9 luftëtarëve të të tjerë të UÇK-së rëndojnë akuza për krime gjatë Luftës në Kosovë. Në aktakuzë pretendohet se, Thaçi, Veseli dhe të dyshuar të tjerë janë penalisht përgjegjës për afërsisht 100 vrasje të paligjshme.

Krimet e paraqitura në Aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë. Aktakuza është vetëm një padi penale e cila është rezultat i një hetimi të gjatë nga Zyra e Prokurorit të Specializuar.

Lexoni gjithashtu: 

Prokuroria Speciale e Kosovës akuzon Thaçin dhe Veselin si përgjegjës për 100 vrasje

Analisti: Krimet për të cilat akuzohet Thaçi kanë ndodhur pas luftës

Albin Kurti: Gjykata Speciale funksionon si një fantazmë, disiplinon komandantët e kthyer në politikanë