Mediat sociale po dështojnë të parandalojnë urrejtjen LGBTI+

Platformat e mëdha të mediave sociale po dështojnë të ndalojnë urrejtjen dhe kërcënimet në internet kundër përdoruesve të komunitetit LGBTI+, sipas një raporti të ri.

Sipas gjetjeve, shumica e të rriturve të këtij komuniteti thonë se janë përballur me ngacmime në Facebook, Instagram, TikTok, Twitter dhe YouTube.

Studimi u krye nga GLAAD, një nga grupet më të mëdha në botë për mbrojtjen e këtij komuniteti.

Ata zbuluan se 84% e të rriturve LGBTI+ besojnë se nuk ka mbrojtje të mjaftueshme në mediat sociale për të parandaluar ngacmimet.

GLAAD thotë se kompanitë e teknologjisë nuk janë mjaft transparente për mënyrën se si reagojnë ndaj urrejtjes në internet dhe zbulojnë shumë pak detaje se sa shpesh heqin postimet ose llogaritë që ngacmojmë përdoruesit e këtij komuniteti.

Twitter dhe TikTok, për shembull, kanë politika specifike kundër keqinterpretimit të qëllimshëm ose emërtimit të një personi. Meta, e cila zotëron Facebook dhe Instagram, tha se heq postime të ngjashme me kërkesë.

LEXONI GJITHASHTU:

• Kontesti Izrael-Palestinë, Biden: Mbështesim zgjidhjen me dy shtete
• Biden në Lindjen e Mesme, qëndrim të ashpër për programin bërthamor të Iranit