FSHF dakordëson miqësore me Armeninë në tetor, Shqipëria në fushë pas një viti mungesë

Federata Shqiptare e Futbollit njoftoi të enjten arritjen e një dakordësie për të zhvilluar miqësore me Armeninë.

FSHF njoftoi në web-faqen zyrtare se ndeshja do të luhet më 7 tetor në Jerevan të Armenisë.

Përballja do ta ndihmojë trajnerin Edoardo Reja për të parë gjendjen e skuadrës dhe të krijojë një ide më të qartë për takimet zyrtare të Ligës së Kombeve.

Ky pritet të jetë grumbullimi i parë i përfaqësueses kombëtare të futbollit, pas më shumë se një viti mungesë.

Përballja e fundit zyrtare e Shqipërisë ka qenë më 17 nëntor të vitit 2019, kundër Francës që përuroi stadiumin e ri kombëtar.

Ndeshja miqësore me Armeninë do t’i shërbejë Rejas për të bërë gati skuadrën për 2 ndeshjet e para të Ligës së Kombeve, ku më 10 tetor udhëtohet drejt Kazakistanit dhe 3 ditë më pas luhet ndaj Lituanisë.