Greqia notë proteste ndaj Serbisë për rrëzimin e avionit

Të hënën, Greqia ka dorëzuar ankesë ndaj Serbisë për rrëzimin e avionit me armatime në tokën greke.

Qeveria greke nënvizon se duhet të informoheshin paraprakisht për ngarkesën që kishte avioni.

“Ambasadori grek në Beograd është udhëzuar që të ankohet te qeveria serbe për të theksuar nevojën që autoritetet greke të informohen paraprakisht për natyrën e ngarkesës së avionit”, tha një zyrtar i Qeverisë greke, i cili nuk deshi të identifikohej para se të bëhej njoftimi zyrtar.

Tetë anëtarë të ekuipazhit të avionit të mallrave, që operohej nga një kompani ukrainase, humbën jetën pas rrëzimit të avionit të shtunën në Kavalla të Greqisë.

Autoritetet serbe thanë se avioni kishte 11.5 tonë minahedhës dhe mina të tjera serbe për në Bangladesh.

LEXONI GJITHASHTU:

• Nxirren trupat e pajetë të ekuipazhit të avionit ukrainas
• Ministri serb: Brenda avionit të rrëzuar kishte armatime për në Bangladesh