‘Akuza të pabaza për Radoiçiç’, lista serbe reagon ndaj ministrit Sveçla

Lista Serbe, partia udhëheqëse e serbëve të Kosovës ka reaguar ndaj ministrit të Punëve të Brendshme, Xhelal Sveçla i cili tha se Millan Radoiçiç, është njëri ndër krerët e strukturave kriminale që po kryejnë sulme në veri të vendit.

Sipas listës serbe, pa asnjë provë dhe përgjegjësi, Sveçla po mundohet të përfshijë Radoiçiç në këto ngjarje.

Sipas tyre, ministri po përpiqet të përdorë akuza joserioze, të pabaza, për të justifikuar dhunën e papranueshme institucionale, shpërdorimin e pushtetit dhe shtypjen e popullit serb.

Radoiçiç, i cili është në arrati nga organet e Kosovës për rastin “Brezovica”. Ai është edhe në listën e zezë të Shteteve të Bashkuara nën dyshimet se së bashku me biznesmenin nga veriu i Kosovës, Zvonko Veselinoviç dhe dhjetëra serbë të tjerë, i përkasin një rrjeti të lidhur me krimin e organizuar ndërkombëtar.

Ndërsa, pesë efektivë të policisë së Kosovës u lënduan dhe një makinë e Policisë Kufitare u dëmtua gjatë një aksioni anti-kontrabandë në fshatin Jashanicë të Leposaviçit të dielën.

Drejtuesi i kamionit që dyshohej se po transportonte mallin e kontrabanduar, nuk iu bind urdhrit për kontroll dhe ka përplasur makinën e policisë.

Ata arritën që ta ndalonin kamionin në fshatin Llazhinë dhe kanë arrestuar drejtuesin e saj, shtetasin A.D. Gjatë përpjekjes për të ndaluar kamionin, policia e Kosovës është penguar nga dy automjete.

LEXONI GJITHASHTU

• Sveçla: Radoiçiç, në krye të kontrabandistëve që sulmojnë Policinë në veri
• Aksion anti-kontrabandë në veri të Kosovës, lëndohen 5 policë