Dialogu në Shtëpinë e Bardhë Kosovë-Serbi, Grenell: Po punojmë për një datë tjetër

I dërguari special i Presidentit të SHBA për dialogun Kosovë-Serbi, Richard Grenell ka reaguar lidhur me anulimin e takimit që ishte parashikuar të mbahej në Shtëpinë e Bardhë me 27 qershor.

Grenell thotë se e mirëkupton anulimin e vizitës nga Kryeministri, Avdullah Hoti pas akuzave të ngritura nga Zyra e Prokurorëve Specialë.

Ndërkohë, i dërguari special i Donald Trump ka nënvizuar se po punohet për caktimin e një date tjetër për mbajtjen e takimit.

“Faleminderit Kryeministër Hoti. E mirëkuptojmë vendimin tuaj dhe mesi presim që të caktojmë një datë të re për takimin së shpejti”, thotë Grenell.

Thank you, Prime Minister Hoti. We understand your decision and we look forward to re-scheduling the meeting soon. https://t.co/BNOygifIyY

— Richard Grenell (@RichardGrenell) June 25, 2020

Kryeministri i Kosovës, Avdullah Hoti në një reagim në Twitter lajmëroi anulimin e vizitës në SHBA duke thënë se i duhet të përballet me situatën e krijuar në vendin e tij pas akuzave nga Prokuroria Special ndaj Presidentit, Hashim Thaçi dhe kreut të PDK-së, Kadri Veseli.

Lexoni gjithashtu:

Anulohet takimi në Washington, Hoti takon zyrtarë të lartë në Bruksel për rinisjen e dialogut

BE për situatën në Kosovë: Ne lehtësojmë dialogun, por nuk diktojmë bashkëbiseduesit

Kryeministri Hoti në Bruksel: Kosova ka maturinë institucionale për të kaluar çdo situatë