Shkrumbohet fshati anglez, zjarri përfshin banesa në ditën më të nxehtë

Shtëpi të shumta janë shkatërruar pasi disa zjarre ranë në një fshat të vogël në lindje të Londrës.

Autoritetet kanë dërguar 15 makina zjarrfikëse dhe 100 efektivë në fshatin Uenington, me 300 banorë, për të vënë nën kontroll zjarret që kanë përfshirë një numër godinash dhe fushash me bar.

Të paktën një shtëpi është shkatërruar tërësisht nga flakët. Ngjarja vjen në një kohë kur është regjistruar dita më e nxehtë e vitit në Mbretërinë e Bashkuar, me temperaturat që kanë shkuar mbi 40 gradë Celsius.

Ndërsa, me mijëra zjarrfikës janë duke luftuar me flakët e zjarreve të cilat prej një jave kanë përfshirë disa shtete europiane.

Portugalia, Spanja, Franca, Greqia por edhe Italia janë duke përjetuar situata më dramatike për shkak të temperaturave të larta.

LEXONI GJITHASHTU

• Zjarret shkrumbojnë Evropën, situatë alarmante në Spanjë dhe Francë
• Zjarret rrethojnë Evropën, zjarrëfikësit në luftë me flakët
• Portugalia, Spanja dhe Franca ende në flakë, përmirësohet Rumania