Liverpool fiton kampionatin pas 30 vite pritje, tifozët ia atribuojnë suksesin trajnerit

Pa diskutim që mëngjesi i ditës së premte ka qenë me i bukuri në 30 vitet e fundit për të gjithë tifozët e Liverpool. Më në fund pritja e tyre mbaroi pasi titulli kampion i Premier League është sërish në duart tyre.

The Reds siguruan vendin e parë 7 javë para fundit të kampionatit e për këtë fansat i japin një meritë të veçantë trajnerit Jurgen Klopp i cili në pak kohë arriti të ndërtonte një skuadër pothuaj perfekte në të gjitha aspektet

“Jemi me shumë fat që Klopp zgjodhi të drejtojë skuadrën tonë. Ai ka një meritë të veçantë pasi ndërtoi një skuadër fantastike. Shpresoj që ai të qëndrojë gjatë”, thotë një tifozë.

“Është fenomenal. E mori skuadrën në një moment ë vështirë dhe në katër vite e gjysme artriti të ndërtonte pa frikë ekipin më të mirë në botë. Arrti të fitonte Premier League, Ligën e kampionëve dhe kupën e botës për klube. Çfarë mund të them më shumë për të”, shprehet një tjetër tifoz.

Gjermani do të mbahet mend si njeriu që i ri solli lavdinë Liverpoolit dhe do jetojë gjatë në kujtesën e tifozëve. Rregullat e distancimit fizik për momentin e bëjnë të pamundur që skuadra të organizojë paradën e famshme me kupën por gjithësi kjo mund të presë pasi për momentin tifozët e Liverpool po shijojnë rikthimin në fronin e Premier League