BE premton 4.9 miliardë euro për testimin, vaksinimin dhe trajtimin e coronavirus pas koncertit të bamirësisë

Presidentja e Komisionit Europian Ursula von der Leyen tha se BE do i kërkojë Bankës Europiane të Investimeve 4.9 miliardë euro të cilat do të shkojnë për testimin, trajtimin dhe vaksinimin e coronavirus.

Liderët botërorë kanë bashkuar forcat, së bashku me një sërë artistësh ndërkombëtarë, duke përfshirë Shakira, Coldplay dhe Miley Cyrus, për një ngjarje historike që u mbajt të shtunën për të mbledhur të ardhura në luftën kundër COVID-19.

Koncerti, me prezantues Ursula von der Leyen dhe Dwayne “The Rock” Johnson, nisi në orën 8 të mbrëmjes dhe mund të shihej në mbarë botën.

Pas koncertit u zhvillua një samit global për të mbledhur fonde, i kryesuar nga Von der Leyen, e cila falënderoi ata që kontribuuan në dhurimin e fondeve dhe deklaroi se ishin mbledhur rreth 6.15 miliardë euro.

Ndërkohë, iniciativa e BE “Coronavirus Global Response” ka mbledhur tanimë dhe rreth 10 miliardë të tjera.

Në samit morën pjesë dhe avokatë, ekspertë, artistë dhe aktivistë si Angelique Kidjo, Melinda Gates, Dr. Vin Gupta, Ken Jeong dhe Kate Upton. 

Në prag të koncertit, Dwayne Johnson mbajti një fjalim për racizmin, nisur nga protestat e fundit në SHBA pas vdekjes së George Floyd.

“Rasti tragjik i George Floyd ishte një pikë kthimi. At8 8 minuta tronditëse vërtetuan racizmin sistematik dhe padrejtësinë civile që ne e dimë se është e pranishme në realitetin tonë”.

Pas tij performuan Miley Cyrus, Usher, Jennifer Hudson, Justin Bieber dhe Quavo, J Balvin, Chloe x Halle, Yemi Alade, si dhe Christine and the Queens.

Lexoni gjithashtu

Coldplay, Shakira e Miley Cyrus i përgjigjen thirrjes globale të liderëve botërore në një koncert bamirësie