‘Vallja e Yjeve’, gërshetimi i letërsisë së Lasgushit me muzikën klasike

“Vallja e Yjeve” do do të gërshëtojë letërsinë lasgushiane dhe muzikën klasike për 4 netë me radhë në qytetin liqenor të Pogradecit.

“Festivali Vallja e Yjeve që ka startuar sot do të zhvillohet për 4 net me radhë në odeonin e qytetit, do të ketë një larmi aktivitetesh. Duke nisur që sot i cili ishte aktivitet me muzikë klasike me pianisten e njohur Dhurata Laze që vjen ekskluzivisht për këtë festival dhe me një kuartet harqesh, nesër do jetë mbrëmje midis muzikës klasike dhe moderne dhe letërsisë Lasgushiane, sepse është ndërthurje”, u shpreh violinisti Eritan Kamolli.

Pianistia e cila hapi siparin e këtij festivali tregon ndjenjat e veçanta që i fali publiku artdashës pogradecar.

“Unë jam shumë e apasionuar pas poezive të Lasgushit dhe ky festival që quhet i tillë, kemi 4 koncerte, sot e nis vetë me recital. Është një nga koncertet më të bukura, më poetike, i përshtatet liqenit, Lasgushit, Pogradecit që është shumë romantik. Pata një pritje shumë të ngrohtë e jam shumë e lumtur”, tha ajo.

Vlerësim për imazhin e babait të saj e ka cilësuar këtë festival e bija e poetit të madh, Lasgush Poradeci.

” është nje festival që tregon se vlerat nuk do vdesin kurrë. Sekonda 29 im at është një gjeni dhe gjeniu është ai që nëpërkëmb çdo interes, sidomos ato materiale. Gjeniu është ai që i beson perhumberisht asaj që krijon e sot që promovohet im at pas kaq shumë vitesh tregon se vlerat nuk vdesin”, theksoi Maria Gusho.

Ky është koncerti i parë i këtij lloji në juglindje, ndërkohë që Odeoni i qytetit është kthyer në një destination turistik edhe falë aktiviteteve kulturore e artistike.