Serbia cilëson ferr vendimin e qeverisë së Kosovës, reagon Besnik Bislimi

Zëvendës kryeministri i Kosovës, Besnik Bislimi ka reaguar sa i takon vendimit të qeverisë  për pajisjen e qytetarëve serb me një dokument të posaçëm kur hyjnë në Kosovë.

Sipas tij reagimi i Serbisë për këtë vendim është “ilustrim i përsosur i frikësimit si strategjia kryesore e qeverisë”.

“Mbiprodhimi i artikujve të tillë të sponsorizuar nga qeveria në mediat serbe, është një ilustrim i përsosur i frikësimit si strategjia kryesore e qeverisë në shfrytëzimin e turpshëm mediatik për përhapjen e panikut dhe promovimin e “akteve heroike” të udhëheqjes shtetërore,” – shkroi ai në Twitter.

The overproduction of government sponsored articles like this in Serbian media, is a perfect illustration of fearmongering as the key govt strategy in shameles media exploitation for panic spreading and promotion of “heroic acts” of the state leadership.https://t.co/2qgE3l9nf7

— Besnik Bislimi (@BislimiBesnik) July 30, 2022

Më herët ministri i Jashtëm i Serbisë, Nikolla Selakoviç tha: “Është konstatuar shqetësimi serioz për faktin se pala shqiptare ka thënë sa më qartë, është duke përgatitur ferrin në ditët në vijim”.

Kryeministri i Kosovës, Albin Kurti iu është drejtuar serbëve përmes një video-mesazhi në gjuhën serbe për dy vendimet qeveritare që do të hyjnë në fuqi nga e hëna, e që ka të bëjë me reciprocitetin e letërnjoftimeve dhe për regjistrimin e automjeteve me targa të Kosovës.

Kurti ka thënë se institucionet bartëse të këtij procesi kanë bërë përgatitjet e nevojshme ligjore dhe logjistike dhe zyrtarët shtetërorë janë të përkushtuar që bashkërisht me serbët ta fillojnë dhe zhvillojnë këtë proces me sukses.

Kreu i ekzekutivit deklaroi se me këto dy vendime synohet që të mbrohen të drejtat e qytetarëve nga veprimet diskriminuese të shtetit serb.

LEXONI GJITHASHTU:

• Serbia e quan “ferr” vendimin e pajisjes me dokumente për t’u futur në Kosovë