Furnizimet me gazin rus, Von der Leyen: BE-ja të përgatitet për më të keqen

Evropa duhet të përgatitet për “situatën më të keqe” në lidhje me furnizimet me gazin rus.

Kështu ka deklaruar Presidentja e Komisionit Evropian, Ursula von der Leyen.

“Meqenëse Rusia tashmë ka ndërprerë plotësisht ose pjesërisht furnizimin me gaz për 12 vende anëtare të BE-së, ne të gjithë duhet të përgatitemi për situatën më të keqe”, tha Von der Leyen për gazetën spanjolle, El Mundo.

Rusia ka pezulluar dërgesat e gazit në disa vende të Bashkimit Evropian, për shkak të refuzimit për të paguar në rubla.

Shqetësimet në rritje për reduktimin e dërgesave të gazit nga Rusia e kanë shtyrë bllokun javën e kaluar të binte dakord për një plan urgjent për të frenuar konsumin e gazit.

LEXONI GJITHASHTU

• Rusia ndalon gazin edhe për Letoninë
• 6 vendet europiane që Rusia u ka ndaluar furnizimin me gaz