Emiljano Shullazi del nga regjimi i izolimit 41 bis

Emiljano Shullazi ka lënë qelitë e 41 bis pasi i ka përfunduar afati i izolimit. Bashkë me të regjimin e posaçëm e kanë lënë edhe Albjon Aliko e Genci Balla.

Ndërkohë që në qelitë e 41 bis vijojnë të izoluar Redjan Rrahja, Arbër Çekaj, Aleksandër Llanaj, Viktor Ymeri dhe vëllezërit Klemend e Eldi Çala.

Më 12 janar Gjykata e Posaçme Kundër Korrupsionit dhe Krimit të Organizuar la në fuqi vendimin e izolimit në qelitë me mbikëqyrje të thellë, njohur ndryshe edhe si “41 Bis”, për Emiljano Shullazin.

Shullazi u arrestua në nëntor 2015 bashkë me kushëririn Blerim Shullazi, Gilmando Danin, Endrit Qyqjen dhe Endrit Zelën.

Tre vite më vonë, Gjykata e Shkallës së Parë e Krimeve të Rënda i dënoi me 55 vite burg, katërmbëdhjetë vite vetëm për Shullazin.

LEXONI GJITHASHTU:

• Lihet në fuqi vendimi me 55 vite burg për Emiljano Shullazin dhe bashkëpunëtorët e tij
• Gjykata e Lartë rikthen për shqyrtim ankimimin e Shullazit për regjimin 41 bis