‘Fajtori të marrë ndëshkimin më ekstrem nga drejtësia’, Rama për ngjarjen në Himarë

Kryeministri Edi Rama ka reaguar në lidhje me ngjarjen e ndodhur mesditën e sotme në në plazhin e Potamit në Himarë, ku një efektiv policie përplasi për vdekje një fëmijë të mitur, teksa drejtonte mjetin lundures, skaf.

Përmes një postimi në rrjetet sociale, Rama u shpreh se tragjedia e familjes së të miturës është rëqethëse, teksoi shtoi se fajtori duhet të marrë ndëshkimin më ekstrem nga drejtësia.

Ai theksoi se drejtuesit e Policisë së Shtetit duhet të nxjerrin mësimet e duhura e t’u japin mësimin e duhur trupave përgjegjëse.

“Tragjedia e familjes së të miturës në Himarë është rrëqethëse dhe s’ka fjalë ngushëlluese për dhimbjen. Uroj që fajtori të marrë ndëshkimin më ekstrem nga drejtësia dhe drejtuesit e Policisë së Shtetit të nxjerrin mësimet e duhura e t’u japin mësimin e duhur trupave përgjegjëse”, shkruan Rama ndër të tjera në Twitter.

Tragjedia e familjes së të miturës në Himarë është rrëqethëse dhe s’ka fjalë ngushëlluese për dhimbjen.Uroj që fajtori të marrë ndëshkimin më ekstrem nga drejtësia dhe drejtuesit e Policisë së Shtetit të nxjerrin mësimet e duhura e t’u japin mësimin e duhur trupave përgjegjëse!

— Edi Rama (@ediramaal) August 2, 2022

Shtetasi Arjan Tase, autori i ngjarjes së rëndë, i cili mbante detyrën Shef Seksioni i Policimit në Komunitet në Komisariatin e Policisë Elbasan, është përjashtuar nga Drejtori i Përgjithshëm i Policisë së Shtetit, Gledis Nano.

Dyshohet se Arjan Tase humbi kontrollin e mjetit lundrues dhe përplasi për vdekjen fëmijën në bregun e detit.

LEXONI GJITHASHTU

• Gledis Nano përjashton efektivin që përplasi për vdekje fëmijën në Himarë
• Përplasi për vdekje fëmijën në Himarë, autori efektiv policie
• Skafi godet për vdekje fëmijën 5 vjeç në plazhin e Potamit