Rusia po ndihmon Serbinë për destabilizimin e Ballkanit, sipas Kurtit

Kryeministri i Kosovës, Albin Kurti zhvilloi këtë të martë një bisedë telefonike me sekretarin e Përgjithshëm të NATO-s, Jens Stoltenberg.

Kurti informoi Stoltenberg, se mediat e kontrolluara nga qeveria e Serbisë, kanë dezinformuar në lidhje me masat e reciproicitet për targat e automjeteve dhe dokumenteve të indentifikimit.

Sipas Kurtit, këto dezinformime po ndihmohen nga Rusia, në përpjekej për të destabilizuar Ballkanin.

“Është vërtetuar tashmë se këto fushata dezinformuese po ndihmohen nga shteti rus, në përpjekjen për të destabilizuar Ballkanin”, tha Kurti.

Ndërsa, Stoltenberg e siguroi kryeministrin Kurti për angazhimin dhe bashkëpunimin e NATO-s dhe KFOR-it për ruajtjen e paqes dhe stabilitetit në Kosovë dhe në rajon.

Pikat kufitare Jarinje dhe Bërnjak në veri të Kosovës, prej ditës së djeshme janë të hapura për qytetarët dhe liria e lëvizjes është e plotë.

Qeveria e Kosovës tha se do të shtyjë zbatimin e vendimeve për lëshimin e dokumenteve për hyrje-dalje për shtetasit e Serbisë që hyjnë në Kosovë dhe atë për ndryshimin e targave serbe, duke filluar më 1 shtator.

LEXONI GJITHASHTU

• Osmani: Serbia kontrollohet nga Rusia, Putin s’do arrijë të destabilizojë Ballkanin

• Reciprociteti ndër vite, 6 masat që Kosova i vendosi Serbisë që nga viti 2011

• Kurti të dorëhiqet pasi shkeli vendimin për reciprocitetin, thotë Baton Haxhiu