Kupa e Shqipërisë, Bylisi përmbys Tiranën, Kukësi-Teuta mbyllet pa gola

Ashtu sikurse pritej, për Tiranën ndeshja e vajtjes për gjysmëfinalen e Kupës së Shqipërisë kundër Bylisit rezultoi mjaft e vështirë.

Bardheblutë u përmbysën 2-1. Edon Hasani realizoi për skuadrën e Emmanuel Egbos, mirëpo avantazhi zgjati vetëm një pjesë loje. Me dy gola të Valentino Murataj ballshiotët fituan 2-1 duke i dhënë disi qetësi trajnerit boshnjak Veljko Dovedan.

Kjo ishte humbja e dytë për bardheblutë nën drejtimin e trajnerit Emmanuel Egbo pas asaj me Teutën në kampionat.

Megjithatë asgjë nuk është vendosur pasi ekipi që do kalojë në finale do të përcaktohet në ndeshjen e kthimit, e cila pritet të luhet më 15 korrik.

Ndërkohë në takimin tjetër Kukësi-Tetuta, skuadrat u ndanë në një barazim pa gola duke lënë çdo gjë të hapur për në takimin e dytë.

Për skuadrën e Eduard Martinit do jetë disi e vështirë, pasi do të duhet të luajë ndeshjen e kthimit pa mbrojtësin Alexandros Kouros, i cili u ndëshkua me karton të kuq.

Lexoni gjithashtu:

City mposht 4-0 Liverpoolin, Reali i Madridit zgjat distancën me Barcelonën

Chelsea humbet derbin e Londrës, Interi fiton thellë, Milani ndalet në barazim