‘Kartoni i verdhë i lidhur me mafian shqiptare’, Granit Xhaka nën hetim

Futbollisti me origjinë shqiptare, Granit Xhaka ka qënë kryefjala e shumë prej mediave britanike. ‘Kartoni i Verdhë i Granit Xhakës i lidhur me mafian, policia po heton’ ishte kryeartikulli i një prej mediave.

Sipas të përditshmes DailyMail, futbollisti i Arsenalit dyshohet se mund të jetë i përfshirë në mafien shqiptare, bashkë me një ish-futbollist profesionist.

Hetuesit po shqyrtojnë rastin kur gjatë muajit qershor në ndeshjen Arsenal-Leeds, 29-vjeçari u ndëshkua me karton të verdhë, për të cilin dyshohet se e mori qëllimisht.

Dy muaj më parë, Federata Angleze iu drejtua Agjencisë Kombëtare të Krimeve që të shqyrtonte rastin e Xhakës.

Mesfushori zviceran me origjinë shqiptare qëndroi mbi topin për rreth 20 sekonda para se të ndëshkohej dhe menjëherë pas ndeshjes u raportua se një shumë prej 250 000 stërlinash është fituar për këtë karton të verdhë të marrë nga ai.

Hetimi i Federatës Angleze përfshiu disa raste të dyshimta bastesh që u shfaqën në fund të fitores 4-1 të Arsenalit.  Ende skuadra e Arsenal nuk ka dhënë detaje për çështjen e cila është nën hetim.

Sipas Sportsmail, hetuesit kanë zbuluar prova të shumave të konsiderueshme të basteve në kriptovaluta në tregje që nuk janë të rregulluara me ligj në këtë vend, me një pjesë të madhe të aktivitetit që mendohet se ka ndodhur në Shqipëri.

Hetimi shqyrton gjithashtu pretendimet se Alban Jusufi, një sulmues suedezo-shqiptar i dënuar me pesë vjet pezullim për trukim ndeshjesh nga gjykatat suedeze në vitin 2017, bëri shuma të mëdha duke vënë bast që Xhaka të ndëshkohej.

Daily Mail, në artikull kujton dhe gjobën që fotbollisti shqiptar mori në vitin 2018 në një ndeshje të Kupës së Botës. Teksa luante për skuadrën e Zvicrës, ai bëri simbolin e shqiponjës me duar, duke u gjobitur më pas nga FIFA.

LEXONI GJITHASHTU

• UEFA i beson teknologjinë gjysmë-automatike finales së Realit me Eintracht Frankfurt
• Kriza energjitike prek futbollin gjerman, disa stadiume mund të mbyllen në dimër