Arrestohen gazetarët në Rusi, kërkojnë lirimin e gazetares Prokopyeva, rrezikon 6 vite burg

Të paktën 17 persona, në mesin e të cilëve kishte edhe gazetarë, u arrestuan ditën e premte në Rusi. Ata u akuzuan për organizimin e protestave, të cilat kërkonin lirimin e një gazetareje të arrestuar dy vite më parë me akuzën e justifikimit të terrorizmit.

Svetlana Prokopyeva, e cila mund të përballet me një dënim deri në 6 vite burg nëse shpallet fajtore, u arrestua në nëntor 2018 kur ajo përdori programin e saj radio për të diskutuar rastin e një të riu 17-vjeçar, i cili shpërtheu veten në zyrën e Federale të Sigurisë (FSB) në qytetin e Archangelsk.

Në incidentin, që më pas u quajt akt terrorist humbi jetën vetë i riu dhe tre persona të tjerë. Në programin e saj, Prokopyeva kritikoi  mënyrën se si shteti trajtonte mendime e kundërshtarëve të vet, duke thënë se qasja e saj mund të çonte në veprime radikale në Archangelsk.

Protestuesit kanë shprehur frikë se çështja e Prokopyeva mund të pasohet nga më shumë shtypje në vend, pasi njerëzit nuk janë në gjendje të protestojnë lirshëm për shkak të kufizimeve  të vendosura nga COVID-19. Gjykata pritet të shpallë vendimin përfundimtar të hënën.