Rekord i ri rastesh ditore në SHBA, 10 mijë vetëm në Floridan me 21 milionë banorë

SHBA ka raportuar më shumë se 55 mijë të infektuar brenda 24 orëve këtë të enjte, një rekord i ri botëror.

Rritja e rasteve ka bërë që të ngrihen akuza për mënyrën se si është menaxhuar situata, sidomos për sa i përket vendimeve të presidentit Trump për të mos lejuar guvernatorët të vazhdonin me planet e rihapjes.

Me 55.724 të prekur për 24 orë SHBA-të ia kaluan rekordit të vendosur nga Brazili më 19 qershor, me 54.771.

Rastet e reja janë në rritje në 37 nga 50 shtete të SHBA-ve, përfshi Floridan, që të enjten raportoi më shumë se 10 mijë raste të reja. Kjo shifër është më e lartë se e çdo shteti europian kur ishin në kulmin e tyre.

Kalifornia, një tjetër epiqendër, pa një rritje të testeve pozitive me 37%, ndërsa shtrimet u rritën me 56% në dy javët e fundit.

Guvernatori i Teksasit, i cili kishte refuzuar ta detyronte mbajtjen e maskave me ligj, dha urdhër që maskat të mbaheshin në të gjitha kontetë.

SHBA-të kanë regjistruar 129 mijë vdekje, rreth një e treta e rasteve në të gjithë botën.