16 muaj nga zhdukja e biznesmenit në Kosovë, ende mister fati i tij

Këtë të hënë bëhen 16 muaj nga dita kur është zhdukur biznesmeni Bedri Rexhepi dhe familja ende nuk e ka një përgjigje për fatin e tij.

I vetmi informacion që kanë familjarët deri më tani, është se Rexhepi është parë më datën 8 prill 2021 në Novobërdë dhe nga aty nuk dihet më asgjë për fatin e tij.

Rreth dy muaj më parë, Gjykata Themelore në Prishtinë vendosi për caktimin e masës së paraburgimit për shtetasen Arjeta Rukovci.

Masa ndaj saj, është vendosur për shkak të dyshimit se është përfshirë në kryerjen e veprës penale “Rrëmbimi”, që lidhet pikërisht me rastin e Bedri Rexhepit.

Familjarët, jo pak herë janë shprehur të dëshpëruar në institucione pasi kërkojnë përgjigje për fatin e familjarit të tyre.

LEXONI GJITHASHTU

• ​Zhdukja e biznesmenit në Kosovë, vëllai: 15 muaj pa përgjigje