Transportonin emigrantë të paligjshëm, arrestohen tre të rinj në Korçë

Policia në Korçë ka arrestuar tre të rinj me akuzën “Ndihma për kalim të paligjshëm të kufijve”. Të ndaluarit dyshohet se merrnin shpërblim prej 100 euro për çdo emigrant që ndihmonin të udhëtonin drejt Tiranës.

Fillimisht, strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare dhe Komisariatin e Policisë Pogradec, ndaluar një banues në Tiranë dhe një tjetër në Maliq, pasi po transportonin në drejtim të kryeqytetit 5 emigrantë të paligjshëm.

Ndërsa në një  operacion tjetër u arrestua nga banues në Krujë, pasi  u kap nga shërbimet e policisë në unazën e qytetit të Pogradecit, duke transportuar në drejtim të Tiranës me mjetin tip “Mitsubishi”, 9 emigrantë të paligjshëm, të cilëve kundrejt shpërblimit prej 100 euro secilit, iu kishte premtuar kalimin drejt vendeve të BE-së.