Më 236 km/h me “Lamborghini” në rrugën Tiranë-Vlorë

Rruga  nacionale Tiranë-Vlorë, por edhe autostrada Tiranë-Durrës, shpesh gjatë natës kthehen në pista të ngjashme me ato të garave në Formula 1.

I tillë ka qenë dhe rasti më i fundit i kapur nga Policia Rrugore, ku një person që udhëtonte me makinë “Lamborghini” po ecte me shpejtësi 236 km/h në rrugën Tiranë-Vlorë, ku limiti i lejuar është 110.

Nisur nga fakti se i ri shqiptar që ishte në drejtim të automjetit luksoz kishte leje drejtimi të një vendi të huaj, u gjobit me 30 mijë lekë të reja duke shmangur daljen në komision dhe heqjen e patentës.

Gjatë 24 orëve të fundit janë tërhequr 21 leje drejtimi nga Njësia Operacionale e Policisë Rrugore, në rrugën nacionale Tiranë – Vlorë gjatë kontrolleve me radar.

Ndërkohë kontrolloet kanë vijuar dhe në autostradën Tiranë-Durrës, ku rasti më tipi ishte i një drejtuesi që lëvizte me shpejtësi 169 km/h, ku limiti është 90.