Benzema për CR7: Jam bërë më ambicioz që kur ai u largua nga Reali

Karim Benzema thotë se është bërë më ambicioz që kur Cristiano Ronaldo u largua nga Real Madrid, edhe pse i jep yllit portugez kredite për mbështejen e dhënë gjatë viteve kur të dy ishin shokë të një ekipi.

Pasi arriti rezultate të paprecedenta me Real Madrid, Ronaldo e braktisi klubin për t’u bashkuar me Juventus në 2018-n, pas 9 vitesh me gjigantin spanjoll.

Dhe në këto vite, Benzema ka arritur të mbushë hapësirën e lënë bosh, duke u kthyer në golashënuesin kryesor të gjigantit spanjoll.

“Është e vërtetë që kam shënuar më shumë gola që kur ai u largua, por gjatë kohës që ishte këtu unë isha një lojtar mbështetës dhe ai më ndihmoi shumë si brenda edhe jashtë fushe”, ka thënë Benzema në një konferencë shtypi.

“Por unë e dija që mund të bëja më shumë. Kur ai iku, mua mu desh të ndryshoja lojën dhe ambicien time dhe deri tani gjërat kanë shkuar mirë”, ka shtuar sulmuesi francez.

Edhe pse fillimisht u bashkua nga Lioni në vitin 2009, Benzema mbeti kryesisht nën hijen e Ronaldos, duke arritur shifrën e 20 golave në ligë vetëm dy herë para largimit të portugezit 4 vjet më parë.

LEXONI GJITHASHTU:

• Benzema i papërmbajtshëm, bëhet golashënuesi i dytë më i mirë te Real Madrid