Bundesliga, Werder Bremen, skuadra e Milot Rashicës shmang rënien nga kategoria

Werder Bremen do të jetë së paku dhe një edicion mes ekipeve më të mira të futbollit gjerman.

Skuadra ku aktivizohet Milot Rashica barazoi 2-2 në takimin e së martës me Heidenheimin, në një përballje mjaft dramatike, duke shmangur rënien nga kategoria.

Pas ndeshjes së parë, e cila u mbyll më rrjeta të paprekura, skuadra nga Bremeni luante për dy rezultate, fitore ose barazim me gola. 

Gjithçka nisi mirë për skuadrën e Verderit, që e gjeti rrugën e golit që në minutat e para falë një autogoli të vendasve.

Heidenheim barazoi  5 minuta para fundit të kohës së rregullt dhe nisi me ngulm të kërkonte golin që do e katapultonte në Bundesligë, por duke krijuar hapësira pas e duke i dhënë mundësinë Verderit të shënonte golin e dytë në kohën shtesë.

Vendasit shënuan sërish falë një njëmbëdhjetëmetërshi në limitet e ndeshjes, por që kishte vetëm vlerë statistikore, pasi nuk kishte më kohë për të provuar përmbysjen e madhe.

Pas një edicioni mjaft negativ, Verder feston qëndrimin në elitë.