‘Djalë i përsosur, na erdhi shumë keq’, flet fqinja e një prej ushtarëve të plagosur

Një banore e qytetit të Gramshit, fqinje e një prej ushtarëve të plagosur në Uzinë, Aldo Bicit, ka treguar se ngjarja e djeshme ishte shumë e rëndë.

Për “Euronews Albania”, ajo u shpreh se Aldo ishte një djalë i përsosur që e donte punën dhe se i ka ardhur shumë keq kur e vizitoi në spital dhe e pa në atë gjendje.

“Djem të rinj, çfarë të bësh, ajo që ndodhi mos ndodhtë kurrë. Flasim, i kemi fqinj. Djalë i përsosur, si familje janë të mirë të gjithë. Kemi ulëritur, na ka ardhur shumë keq.Kur e pashë shtrirë aty në spital, se e njoh shumë mirë. Është i martuar, ka një djalë dhe një vajzë”, theksoi ajo.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU

• Blogerë apo spiunë? Çfarë fotografuan rusët në Shqipëri
• Ekskluzive| Dëshmia e banorit që ndihmoi ushtarët: U dëmtova edhe vetë nga spraji
• ‘Jemi fotografë’, zbardhet dëshmia e rusëve që tentuan të futen në uzinën e Gramshit