Duma për incidentin me rusët: Shqipëria e kërcënuar, jemi të pasigurt

Deputetja e Partisë Demokratike, Grida Duma e konsideron si kërcënim për vendin, faktin që tre shtetas të huaj, shkaktuan incident në uzinën ushtarake në Gramsh.

Në një intervistë për “Euronews Albania”, Duma u shpreh se Shqipëria nuk ka siguri, masa parandaluese dhe shërbime inteligjence.

“Nuk kemi as siguri, as masa parandaluese, nuk kemi shërbime inteligjence që të japë në kohë reale parandalimin e infliltrimit të këtyre individëve që mund të rezultojnë të rrezikshëm. Për faktin që ata munden të inflitrohen gjoja si turistë për të hyrë dhe për të parë nivelin e sigurisë që ka Shqipëria, nivelin e armatimit që ka Shqipëria, sepse një nga elementët djallëzore që do luhet me këtë ngjarje do jetë, çfarë iu duhet atyre për të parë një uzinë që nuk është në përdorim.”, theksoi Duma.

Dy shtetas rusë, 33-vjeçarja Svetlana Timofoeva, 23-vjeçari Mikhail Zorin dhe një ukrainas janë arrestuar mbrëmjen e së shtunës pas një incidenti në uzinën ushtarake në Gramsh.

Në dëshminë e tyre, ata kanë thënë se janë blogerë dhe fotografonin kryesisht territore ushtarake që janë të braktisura dhe nuk përdoreshin më nga shteti.

LEXONI GJITHASHTU

• Rusët me makinë luksi në Gramsh, Duma: S’guxon një turist të sulmojë ushtarin
• 3 javë më parë u futën në Shqipëri të dyshuarit për spiunazh (Detajet)
• Ekskluzive | Pamje nga makina që përdorën rusët për të hyrë në uzinën në Gramsh