“Pallati ynë i sportit i kohës se Petrit Dumes”, Fidel Ylli i rendit kërkesat Ramës

Presidenti i Komiteti Olimpik Kombëtar Shqiptar, Fidel Ylli kërkoi nga kryeministri Edi Rama dhe qeveria më shumë investime në sport pasi siç tha është një investim që do ti kthehet pas shtetit në shumë pak kohë.

Në fjalën e mbajtur gjatë ceremonisë në nder të kampiones Luiza Gega, Ylli tha se urgjente është ndërtimi i një pallati të ri sporti por edhe terreneve sportive dhe qendrave olimpike në të gjithë Shqipërinë.

“Kemi nevojë edhe për një pallat sporti, se ai që kemi është i kohës së Petrit Dumes. Nuk mund të rrimë me atë pallat, duhen qendra olimpike, fusha dhe terrene sportive në të gjithë Shqipërinë dhe do shikoni në fund të vitit tjetër çfarë efekti do kenë ekipet në shkolla ku po instalojmë kamera në çdo palestër de do jemi live. Do t’i tregojmë opinionit publik dhe Komitetit Olimpik se Shqipëria ka bërë reforma. Para dy ditësh komiteti olimpik ka marrë dy projekte nga Komisioni Europian”, tha Ylli.

LEXONI GJITHASHTU:

• Fidel Ylli thirrje Ramës: Nxirrini nga errësira kompanitë e basteve që po gëlojnë
• Përlotet Evis Kushi: Luzia Gega do të gëzojë gradën kolonel