Zyrtari ukrainas: Shqipëria, pjesë e NATO-s, mos anashkaloni kërcënimet

Ish-këshilltari i ministrit të punëve të Brendshme në Ukrainë, në një intervistë për Euronews Albania, është shprehur se bazat ushtarake duhet të kenë më shumë siguri.

Volodymyr Martynenko tha se Shqipëria, duhet të jetë më e vëmendshme ndaj kërcënimeve ruse, pasi tashmë është pjesë e NATO-s. Ai e quajti tradhtar ukrainasin i cili ishte bashkë me rusët që tentuan të futen në depon e armatimeve në Gramsh.

“Para së gjithash organet e hetimit duhet të vërtetojnë pse e kanë bërë këtë dhe nëse nuk janë spiunë. Nuk e përjashtoj faktin që ata mund të mbledhin informacion për ndonjë vend tjetër,” – u shpreh zyrtari.

Martynenko e quajti të tmerrshëm gabimin e tre shtetasve, ndërsa theksoi se do të duhet të përgjigjen para ligjit për këtë gabim.

LEXONI GJITHASHTU:

• Spiunë apo turistë? Qytetarët të ndarë në mendime për incidentin në Gramsh