Ilir Metaj për Ilir Metën: Po bën deklarata të çekuilibruara, është kapur në faj

Deputeti i Partisë Socialiste Ilir Metaj tha në një intervistë për Euronews Albania se kreu i Partisë së Lirisë, Ilir Meta nuk diti as të qëndrojë si burrë, as të rrëzohet si burrë.

Sa i takon hetimit që SPAK ka nisur për Metën, deputeti u shpreh se këto janë shenja se reforma në drejtësi po funksionon.

“Pavarësisht rezervave që mund të ketë secila palë, ndaj organeve të drejtësisë së re, duhet thënë që shenjat janë mjaft të mira dhe duhet thënë se jemi vetëm në fillimin e asaj që ne e kërkojmë me mjaft ngulm,” – u shpreh Metaj.

Ai komentoi deklaratat e kreut të Partisë së Lirisë se SPAK po vepron nën presionin e Ramës, duke theksuar se nuk mund t’i kushtojmë rëndësi deklaratave të tilla që janë të çekuilibruara.

Deputeti u shpreh se këto janë shenja jo të mira për ish-presidentin, por shumë të mira për Shqipërinë drejt Bashkimit Europian.

LEXONI GJITHASHTU:

• SPAK heton Metën, Ngjela: Sjellja e tij tregon se është fajtor