Zelanda e Re identifikon fëmijët e gjetur të vdekur në valixhe

Policia në Zelandën e Re ka identifikuar dy fëmijë, mbetjet e të cilëve u gjetën në fillim të këtij muaji në valixhe të blera nga një familje në një ankand online.

Në një deklaratë të premten, policia konfirmoi se të dy fëmijët janë identifikuar dhe familja e tyre ka kërkuar që emrat e tyre të fshihen.

Policia nisi një hetim për vrasje pasi eshtrat u zbuluan në Auckland të Jugut më 11 gusht.

Në fillim të këtij muaji, inspektori i policisë Tofilau Faamanuia Vaaelua tha se fëmijët ka të ngjarë të kenë qenë midis 5 dhe 10 vjeç kur vdiqën. Ai tha se hetuesit besonin se ata kishin vdekur prej tre ose katër vjetësh dhe shkaku i vdekjes ishte i panjohur.

Sipas policisë së Seulit, një grua që besohet të jetë nëna e dy fëmijëve ishte në Korenë e Jugut më 22 gusht. Policia e Koresë së Jugut po bashkëpunon me autoritetet e Zelandës së Re përmes Interpolit.

Kompania e magazinimit që shiti bagazhet po ndihmon gjithashtu policinë me hetimet e saj për sende të tjera që mund të lidhen me valixhet, tha policia në fillim të këtij muaji.

Policia ka theksuar se familja që ka blerë valixhet nuk ka lidhje me vdekjen e fëmijëve.

LEXONI GJITHASHTU:

• Nëna e fëmijëve të gjetur të vdekur në valixhe ndodhet në Korenë e Jugut
• Kufoma në valixhe, ankandi në Zelandën e Re zbulon vrasjen e dy fëmijëve